SECCIÓNS BILINGÜES

Ortegal, Galicia



Kerry, Ireland

As seccións bilingües foron creadas para favorecer a aprendizaxe de linguas extranxeiras. Supón que outras materias, a parte da de lingua extranxeira, se impartan de xeito bilingüe, no noso caso en galego e inglés. No IES Francisco Asorey de Cambados xa empezou a funcionar fai dous anos na materia de tecnoloxía en 3º e 4º da ESO, este ano comenzamos a aventura tamén en Xeografía de 3º da ESO.

Este blog servirá de canle de comunicación cos meus alumnos e alumnas, será tamén como unha especie de diario de clase, desde o punto de vista do profesor, que se completará cos blogs personais que fará o alumnado onde se verá o que se vai facendo na aula; aparecerán exercicios e traballos que terán que realizar e tamén mostrará a pais e nais e a todos os que estén interesados como vai o funcionamento da experiencia.

Rematamos esta introducción cun poema do noso poeta cambadés que recalca a conexión que Galicia tivo sempre e ten aínda, a través do mar, con Irlanda en particular e con todo o mundo en xeral. O inglés, nos guste ou non, é hoxe a lingua de comunicación universal, coñecela mellor ábrenos as portas a poder comunicarnos casi con calquer persoa do mundo, anque tamén somos conscientes de que para querer comunicarse non abonda só con coñecer a lingua senón que é preciso a vontade de entenderse. Promover estas dúas ideas serán os obxectivos básicos desta experiencia.

IRLANDA

¡Irmanciña dourada
que pasáche-lo mar!

¡Ante a brétema, o tanguido
da campaíña de San Patricio zoando vai!

Carne, sangue, osos celtas!
¡Irlanda! ¡Irlanda irmán!
¡Ten unha nova estrela o noso ceo
e ten uns santos novos noso altar!
Chegóu o teu berro
ós cons de Fisterre que baten o mar
e abréu o teu laio, salouco e ruxido,
as vellas feridas do vello Breogán…
xa está cheo de sangue bermello
o cáliz do San Graal!

¡Irmanciña adourada
que pasáche-lo mar!
A lanza gloriosa dos feitos heroicos e os sagros misterios
en alto…afiada…na man!

RAMÓN CABANILLAS